How To Apologize Effectively
How To Apologize Effectively
గొడవ జరిగాక సారీ చెప్పాలంటే ఇబ్బందిగా ఉందా, కొన్ని విధాలుగా ట్రై చేస్తే మళ్లీ రిలేషన్ స్ట్రాంగ్ అవుతుంది
గొడవలు జరగడం చాలా కామన్. ఆ తర్వాత పరిస్థితులు చాలా మారిపోతాయి. ఎదుటివారితో మాట్లాడాలని ఉన్నా ఏదో ఫీలింగ్ పట్టి ఆపేస్తుంది. దీన్నంతా ఎలా సాల్వ్ చేయాలంటే
ఫ్రెండ్స్, పార్టనర్స్, ఫ్యామిలీ పర్సన్ ఇలా ఎవరైనా సరే, ఎప్పుడైనా సరే వారితో మనకి మాటమాట పెరిగి గొడవలు అవుతాయి. దీంతో ఏళ్ల తరబడి ఉన్న రిలేషన్లో పగుళ్లు ఏర్పడతాయి. అయితే, దీనిని సాల్వ్ చేయాలంటే ఎవరో ఒకరు తగ్గి క్షమాపణలు చెప్పాలి. దీనికి కొన్నిసార్లు మనసు ఒప్పుకోదు. ఓ రకమైన ఈగో అడ్డుగా నిలుస్తుంది. దీన్నంతా ఓవర్కమ్ చేసి మంచి రిలేషన్ మెంటెయిన్ చేయాలంటే తప్పుని అంగీకరించాల్సిందే. క్షమాపణలు చెప్పాల్సిందే. దీనికి ఎలా అని మార్గాలు వెతికేవారు కొన్ని అంశాలను పరిగణనలోకి తీసుకోవచ్చు.
టైమ్ తీసుకోవడం
క్షమాపణ చెప్పడానికి సరైన టైమ్ తీసుకోండి. మీరు క్షమాపణ చెప్పే ముందు మీ ఫీలింగ్స్ ఏంటి, అసలు ఏం జరిగిందో ముందుగా మీకు మీరు అర్థం చేసుకోండి. ఆ తర్వాతే ఎదుటివారికి ఆ సందర్భాన్ని, సమస్యని ఈజీగా ఎక్స్ప్లెయిన్ చేయగలుగుతారు. కాబట్టి, టైమ్ తీసుకుని నిదానంగా చెప్పండి.
నేను కూడా బాధపడ్డాను
ఎంతసేపు ఎదుటివారిదే తప్పు అన్నట్లుగా మాట్లాడకండి. గొడవ పడిన సందర్భంలో మాట్లాడిన మాటలు నన్ను కూడా బాధపెట్టాయి. నాకు కూడా అది ఇబ్బందిగానే అనిపించింది అన్నట్లుగా మాట్లాడండి. దీని వల్ల వారు కూడా మీతో పాజిటీవ్గా రెస్పాండ్ అయ్యే అవకాశం ఉంది.
భావాలను
క్షమించమని అడగడం చాలా మందికి నచ్చకపోవచ్చు. అలా చెప్పే బదులు, నేను అన్నది మిమ్మల్ని బాధపెట్టిందని నేను అర్థం చేసుకుంటున్నాను అని మాట్లాడండి. ఇలా మాట్లాడడం వల్ల మీకు, వారికి ఇబ్బందిగా అనిపించదు. మళ్లీ దగ్గరయ్యే అవకాశం ఉంటుంది.
అతిగా వద్దు
క్షమించమని అడగడం ఎదుటివారికి అర్థమయ్యేలా ఉండాలి. అంతేకానీ, అతిగా ఉంద్దు. దీని వల్ల వారు నెగ్లెక్ట్ చేయడం కానీ, మనకి మనమే బాధపడడం జరుగుతుంది. కాబట్టి, నిదానంగా చెప్పేంత విధంగానే చెప్పాలి.
ఫ్యూచర్లో గొడవలు రాకుండా
ఇలాంటి సమస్యలు రాకుండా ముందుగానే ప్రయత్నించండి. ఏదైనా గొడవ జరుగుతుందని అనిపించినప్పుడు ముందుగానే కాస్తా దూరంగా ఉండండి. దీని వల్ల మాటలు అనడం, దూరమవ్వడం జరగదు.
క్షమాపణలు ఎందుకు మంచివి
ఏదైనా గొడవలు జరిగి క్షమాపణలు చెప్పినప్పుడు మనసు రిలాక్స్గా ఉంటుంది. ఇది మీ మానసిక ఆరోగ్యాన్ని దెబ్బతీయకుండా ఉంటుంది. నిజమైన క్షమాపణలు ఒత్తిడిని తగ్గిస్తాయి. రిలేషన్స్ని మెరుగ్గా చేస్తాయి ఆత్మగౌరవాన్ని పెంచుతాయి.
Comments
Post a Comment